Ang "Kumbensyong Tejeros" at ang Kasalukuyang Sistemang Pulitikal ng Pilipinas





        Sa Kasalukuyang panahon, hindi na bago dito sa Pilipinas ang isyu ng korupsyon at anomalya  sa ating sistemang politikal. Isa na marahil dito ay ang sinasabing dayaan sa pagka-bise presidente ni Vice President Leni Robredo sa nakaraang 2016 Presidential Elections. Ang mga naging dayaan sa eleksyon noong panahon ni Pangulong Ferdinand Marcos noong Febuary 7,1986 kung saan naganap ang "Snap Election" na kung saan nakalaban niya ang partido UNIDO na pinangungunahan nila dating senador Doy Laurel at ang maybahay ni dating senador Ninoy Aquino Jr. na si Corazon Aquino. Lumabas sa resulta na nanalo ang pangulong Marcos, subalit ayon sa NAMFREL o National Movement fot Free Election na ang oposisyon ang nagwagi na siyang naging pasimula ng People Power Revolution. 

      Sa kasaysayan, sinasabing may anomalya ring naganap noong panahon ng himagsikan. Masasalamin ito sa kaganapan sa Kumbensyon sa Tejeros o ang "Tejeros Convention". Ginanap ito noong Marso 22, 1897 sa isang gusali ng mga prayle sa Tejeros, San Francisco de Malabon sa Cavite.  Ang layunin nito ay ang pagbuo ng depensa sa Cavite laban sa mga Espanyol at ang pagbuo ng panibagong sistema ng pamahalaan. Ang naging resulta, nahalal si Emilio Aguinaldo bilang Pangulo habang si Bonifacio naman ay nagkamit ng posisyon ng pagiging Kalihim ng Interyor. Subalit, nagkaroon ng pagtutol dito si Daniel Tirona sapagkat hindi nararapat si Bonifacio sa gayong posisyon   dahilan sa kakulangan ng edukasyon ng Supremo. Dahil dito, binuo ni Bonifacio ang "Acta De Tejeros" bilang pagpapakita ng pagsalungat ng kanyang pangkat sa nangyaring dayaan na siyang ipinahayag ng supremo sa kalihim nito na si Emilio Jacinto. Sa huli, nauwi ang lahat ng pangyayaring  ito sa kamatayan ni Andres Bonifacio at ng kanyang kapatid na si Procopio sa Maragondon, Cavite noong Mayo 10, 1897.

         Ipinakikita lamang ng pangyayaring ito na may isyung politikal na nagaganap sa loob ng Katipunan na nasasalamin sa kasalukuyang panahon. Higit sa lahat, ang ganitong klase ng kalakaran sa politika ay nagreresulta lamang sa kapahamakan ng isang tao o grupo.
        







Mga Sanggunian: 

 http://malacanang.gov.ph/74713-elections-of-1986

https://newsinfo.inquirer.net/868826/did-you-know-1986-snap-election

http://nhcp.gov.ph/andres-bonifacio-and-the-katipunan/

https://www.gmanetwork.com/news/lifestyle/artandculture/645161/finally-on-display-bonifacio-s-letters-exposing-betrayal-at-tejeros-convention/story/

Comments

Post a Comment

Popular posts from this blog

Reaksyong Papel para sa "Ganito kami noon, Paano kayo ngayon?"

Image
 "Ganito Kami Noon, Paano Kayo Ngayon": Pelikulang Sumasalamin sa ating mga Pilipino. Pinagbidahan ito ni Chistopher De Leon bilang si Nicholas Ocampo o "Kulas"           Ang palabas na ito ay pinagbidahan nila Cristopher De Leon, na siyang gumanap bilang si   Nicholas Ocampo o "Kulas", Si Gloria Diaz, bilang si "Diding" at iba pang mga batikang aktor noong dekada '70. Umikot ang buong kwento sa paghahatid ni Kulas sa isang bata na anak ng isang prayle at ang pagbabago ng kanyang buhay dahil dito. Naganap ang buong kwento mula noong panahon ng rebolusyon ng mga Pilipino laban sa Kastila hanggang sa pagdating ng mga Amerikano. Bagaman si Kulas ay nakaranas ng pagkakakulong, panlilinlang ng mga taong kanya sanang pagkakatiwalaan, hinarap niya pa rin ito ng buong loob. Sa huli, iniwan niya ang kanyang minamahal at siya ay nagpakalayo                          Maraming ipinakita ang palabas na ito tungkol sa mg
Read more

Ang Labanan sa Los Banos: Ang pagbabalik tanaw sa kasaysayan.

Image
     Sa kasaysayan ng Pilipinas, marami nang mga labanan ang tumatak sa mga aklat, mga dyurnals, at mga talaarawan na nailimbag. Mula pa sa panahon ng ating mga ninuno, hanggang sa panahon natin sa kasalukuyan. Tumatak na rin ang mga taong naging bahagi ng mga labanan na naganap sa nakalipas na panahon. Isa na rito sina Andres Bonifacio, na siyang nanguna sa mga labanan para sa kalayaan laban sa mga Espanyol. Si Heneral Gregorio del Pilar at ang labanan sa Tirad Pass na kanyang ikinasawi. Sa panahon ng Ikalawang Digmaang Pandaigdig, nakilala rin si Heneral Douglas MacArthur dahil sa kanyang pagdaong sa Leyte. Ang pangyayaring ito ay naging dahilan upang maganap ang isang pagsalakay sa bayan ng Los Banos, Laguna.                                                    Ang pagsalakay sa Los Banos ay naganap noong Pebrero 23, 1945 na kung saan nagsanib pwersa ang mga Gerilyang Pilipino at ng    U.S. Army Airborne  sa Unibersidad ng Pilipinas. Dahil dito, lumaya ang mahig
Read more
Image
Mga Pamanang Kultura ng mga Kastila sa Pilipinas         Ang Pilipinas ay napasailalim ng pananakop ng mga Espanyol sa loob ng mahigit 300 taon. Sa panahong iyon, maraming mga pagbabago ang mga naganap sa bansang Pilipinas pagdating sa pananmit, sistemang politikal,relihiyon, literatura, tradisyon, at sa pang-araw-araw na pamumuhay ng mga tao. Masaabi nating malaki ang naging bahagi kolonyalismo sa kasaysayan ng  Pilipinas. Subalit, ano ano nga ba ang naging mga pamana o mga imlpuwensya sa atin ng mga dayuhang Espanyol? Nakabuti nga ba talaga ito sa ating mga kababayang Pilipino noong panahon ng Kastila?                        Sa kasalukuyang panahon, makikita natin ang mga naging impluwensya ng Kastila sa atin mula sa pagkain.  Isa nang halimbawa nito ay ang madalas nating makita sa  menu ng mga karinderya, ang Tocino.   Ang  Tocino  ay dinala rito sa Pilipinas ng mga Espanyol. Ang kahulugan ng Tocino sa salitang Espanyol ay tumutukoy sa mga karneng bacon o  pinalasang karne
Read more